Ajj phir se chillam-chilli ho rahi thi. Bss jhooti muskurahatein, aur wohi purane zakham.
Usne apne aap ko library k ek kone mein chhupa liya headphones lagaye aur vo bhi volume full par. Lkn andar ka shor itna aasani se chup hone vala nahi tha.
Woh hamesha se hi invisible rehna chahti thi.
Na zada bolna, na zada dikhna, na kisi se dosti, na kisi pe bharosa. Full sleeves, seedhi nazrein, aur ek diary jo sirf uski thi. Log usse sirf "woh chup rehne wali ladki" kehte the third bench wali. Aur kisi kisi ne to usse shanti naam se bhi bulana suru krdiya tha.
Touch usse uncomfortable karta tha. Zada awaaz uska heart race kar deti thi. Aur trust? Usne to usse kab se dafn kar diya tha.
Uski asliyat sirf ek cheez janti thi-uski Diary. Fictional heroes uske liye perfect the. Na cheat karte the, na hurt. Sirf pyaar karte the... jaisa koi real kabhi nahi kar saka.
Par har kahani mein ek twist hota hai.
Jab voh cold, rude, full red flag vibes dene vala aaya... jiska dil kehta bhi nhi sirf chilata tha "stay away". Par zindagi kuch aur plan kar chuki thi.
Aur jaise - jaise unke raaste takraaye, kuch purana tuta... aur kuch naya shuru hone laga.
Is love story main sirf pyar nhi... kuch warnings bhi hai.
Kyuki kisi ki nazar hai us par... ek saksh jo sabko perfect lagta hai, par hai nahi.
Kuch raaten neend le jaayengi, kuch lamhe sach ko expose karenge.
Yeh kahani sirf healing ki nahi hai... yeh kahani hai survive karne ki, bharosa karne ki, aur kisi ke liye sab kuch ban jaane ki. Kudh ko bhul kr dusre ko heal krne ki...
Kyuki sabhi heroes perfect nahi hote... par kabhi-kabhi ek flawed insaan bhi kisi ki duniya change kar deta hai.
Abhi dekhna yeh hai ki yeh kahani ka end vesa hoga bhi jesa haar kahani ka hota hai yah kuch esa hojaega jo sb bdl dega?
Kya is story k naam ki trh vo bhi keh paegi ki -
"I am healed by Him..."
Yah phir yeh kahani bhi sirf ek kahani hi reh jaegi?....