Aaj ka din bilkul waisahi tha –– boring aur exhausting.
Subha 8 baje ka alaram, wahi thandi chai, aur Metro ki bheed jahan insaan kam aur sardines zyada feel hote hain. Mera naam Anaya hai, aur meri life ek loop pr chal rahi hai. Excel sheets, client emails, aur manager ki wo annoying awaaz: "Is this done yet?"
Laptop screen ki blue light meri aankhon mein chubh rahi thi. Raat ke 9 baj chuke the aur office lagbhag Khali tha. "Bas ye last line code kar loon, phir Ghar", maine khud se kaha.
Par jaise hi maine 'Enter' dabaya, screen black ho gayi.
"Nahi, nahi nahi! Backup nahi liya tha!" Maine frustrated hokar monitor pe haath maara.
Tabhi, poore office ki lights flicker karne lagi .
Ek ajeeb si thandak room mein phail gayi.
Maine peeche mud kar dekha, par wahan koi
nahi tha. Jab wapas screen ki taraf dekha, toh wahan mera code nahi tha.
Black screen par neon green letters mein kuch likh aa raha tha:
(System Initialising... )
User: Anaya Roy
Current Status: Exhausted / Low Motivation
New Quest Assigned: Escape the 'loop' or Remove your Existence.
Meri dhadkan tez ho gayi. Ye koi prank tha?
Maine plug nikalne ki koshish ki, par mera haath screen ke paas jaate hi jam gaya. Ek thandi, robotic awaaz mere kaano mein goonji:
"Anaya, kya tum sach mein kal subah phir se wahi life jeena chahte ho?"
Screen se ek neeli roshni nikli aur poore kajre ko gher liya. Mera saamne ek transparent window floating thi, bilkul kisi video gamebki tarah. Uspe likha tha:
(Do you accept the Trail? Yes/No)
Maine 'No' ki taraf ungli badhayi, par tabhi dheere gayab ho rahi thi, aur neeche farsh ii jagah ek gehra, kaala gadda banta ja raha tha.
Agar maine jaldi choose nahi kiya, toh main is office ke sath hi khatam ho jaungi.