UNTitled,Purnima_06811769338560

Namaste, main aap sabko batana chahti hu ek aisi ladki ke baare mein jiska janm hote hi alag hi mahol ho gya aur wo ladki aur koi nhi main hi hu ji ha main hi ..to baat ye hai ki main ek middle class family se hu aur mere papa ek farmer hai aur meri pyari maa ji ek house wife hai ,hum teen bhai - bahen hai.aur main un sab mein dusare number par aati hu .jab mere Bhai ka janam hua sab bahut khush the sabko accha laga ki chalo ladka hua hai.sab kuch accha chal Raha tha .bhai bada hua sab accha tha .iske baad meri entry Hui aur jaise hi meri entry Hui to ..itna mat soche ki dhol baje honge na ji na aisa kuch nhi hua..hua u ki jab sirf 15 din ki tab hi meri maa ko alag kar diya gya ,ghar ke sab ek saath khate - Peete aur rahte . lekin meri maa akele rahti .papa bhi kaam ki wajah se ghar nhi aate the .to aise hi chalta raha aur 2 saal baad meri choti bahen bhi is khoobsurat duniya mein aa gayi .ab hum do se teen ho gaye mushkile badhi par fir bhi ham thode bade hue to hame school bheja gaya .bhai to aaram se school chale jate lekin main shuru - shuru mein to badhiya school jati thi maja bhi aata tha.lekin jab main 5th ya 6th class mein pahuchi to mujhe school Jane ka man hi nhi karta tha . main hamesha hi kuch na kuch bahana banakar school nhi Jane ki koshish karti rahti thi.kabhi ye bhi nhi sochti thi ki mere mummy - papa mujhe kitni mehnat se padha rahe ye meri life ki sabse badi galti thi .ye mat soche ki mujhe padhna nhi tha aisa nhi main padhna chahti thi lekin baat ye thi ki mujhe har cheej thoda der se samajh aati thi abhi bhi yahi problem hai mere saath aur bas isi wajah se mera school work poora nhi rahta tha.teacher jo bhi chapter yaad karke aane ke liye kahte main kar hi nhi paati .isi wajah se mujhe bahut pitai milti thi aur bas usi pitai ke dar se main school nhi Jana chahti thi bas bahane banati rahti .to aise hi main natak karti to mere papa ko ye bahut jaldi hi samajh aane laga tha ki main hamesha school na jane ke liye bahane banati rahti to wo bhi hamesha mujhse gussa rahte aur kabhi - kabhi to mujhe pitai khakar hi school Jana padta.lekin ek time aisa aaya jab ye natak ki khabar Bhagwan jii tak pahuch gayi fir kya wo kahte hai na ki jab bhagwan ki lathee chalti hai to awaaz nhi hoti .wahi mere saath bhi hua achaanak se mai beemar rahne lagi kabhi kuch hota to kabhi kuch .Ab hum rahne wale gawn ke to aas- pass ke logo ne kah diya ki mujhe kuch bimaari nhi bas ye bhoot - pret ka saya hai .aur bas tabhi se meri zindagi bas lag raha tha Bhagwan ek baar theek kar do uske baad main aapse kabhi kuch nhi bolungi .dheere - dheere meri haalat aur kharab hoti gayi sab ka bas yahi kahna tha ki mera bachna bada hi mushkil hai ..Aur main bas yahi sochti rahti ki main kitni bekaar hu hamesha apne Maa - Papa ke liye museebat hi khadi karti rahti hu.aise hi pure ek saal tak bhoot pret ke chakkar mein mujhe yaha se waha le jaya gaya .Main school bhi nhi Jaa pati jaha main school na jane ke liye natak karti thi fir hamesha class topper ke saath mera naam rahta tha wahi main ek saal tak school gayi hi nhi .meri haalat sudharne ka naam hi nhi le rahi thi.fir ek uncle ne mere papa ko samjhya ki aap ise acche doctor ko dikhaye .chahte to wo bhi the ki wo mujhe kisi doctor ko dikhaye lekin unke pass itne paise hi nhi the ki wo mera ilaaj Kara sake .main bhi bas yahi socha karti thi ki agar main hi jau to theek rahe kamse kam ek bojh to Kam hoga .lekin kismat ko sayad kuch aur hi manjoor tha .Ek raat meri achaanak se tabiyat bahut kharab ho gayi garmi ka time tha hamare family wale bahut pareshan ho gaye gaawn mein jitne bhi doctor the sabhi ne mana kar diya ki hum kuch nhi kar sakte ab raat jada hone ke kaaran kuch bhi kar paana mushkil ho raha tha.tabhi ambulance bulayi gayi aur mujhe shahar ke government hospital mein admit kar diya gaya.us time pe mere saath mere mummy papa nhi the kyuki unhe itna jada pata nhi tha kuch .Mujhe 6 day tak hospital mein rakha gaya wo 6 day nhi the jindagi ke sabse bure din the .kabhi is machine mein check up hota to kabhi us machine mein main hamesha yahi sochti ki aakhir kaar mere saath ho kya Raha hai ..kya main itni buri hu? Jo bhagwan mujhe aisi saja de rahe hai