Mumbai ki raat hamesha noisy hoti hai, lekin Anaya Sharma ke liye aaj ki raat sirf khamoshi laayi thi---aisi khamoshi jo dil ke andar cheekh ban jaati hai.
Hospital corridor ki white lights uski aakhon ko chubhne lagi thi. Haath mein pakdi file thodi si kaanp rahi thi.
"Treatment cost:₹8,50,000."
Anaya ne halki si hansi chodi.
" Zindagi bhi kitni funny hai na,"
Usne dheere se kaha, " jab Paisa nhi hota , tabhi sab kuch tootne lagta hai."
Uski maa ICU mein thi . Heart condition. Time kam tha.
Anaya ek middle -class nhi...poor background se thi. Part-time job, college fees pending, aur ab ye bill.
Us Raat Jab woh hospital se bahar nikli, baarish shuru ho chuki thi .
Aur tab--
Woh usse dikha.
Black luxury car. Matte finish. Headlights ki roshni seedha Anaya par padi. Car ke saamne khada aadmi.. jaise baarish bhi usse touch karne se Darr Rahi ho.
Tall. Sharp jawline. Black suit. Aankhon mein ajeeb si thandak.
Aarav Malhotra.
Malhotra Group ka CEO . India ke youngest billionaires mein se ek. Media ka favourite....aur emotions ka dushman.
Anaya usse pehchanti thi---kaun nhi pehchanta?
Par jo usne notice Kiya.... Woh normal nahi tha.
Jaise hi Aarav ne Anaya ki taraf dekha, uski aakhon ke saamne ek blur sa flash aaya.
---Anaya, white dress meine,khoon se bhigi Hui.
--Ek ring.
Aur ek awaaz: "she is the key."
Aarav ka haath tight ho gaya.
"Impossible..."usne apne aap se kaha.
Ye power... Ye visions... bachpan uske saath thi. Future ke tukde. Jo sirf tab aate the jab koi important hota.
Aur aaj...pehli baar..ek gareeb ladki ne uski destiny ko hila diya.
Aarav car se bahar aaya.
"Miss," uski awaaz gehri aur controlled thi, "aap ro kyun Rahi ho?"
Anaya ka dil dhadak raha tha, aur ek ajeeb sa darr uske andar uth raha tha…
Kya ye sirf ek millionaire ka offer hai, ya kuch aur bhi uski kismat me chhupa hai?