Chapter -2
Raat ke ghanere sannate mein Neelganj station Kisi purane kabristan jaisa lag raha tha . Riyansh ne apne coat ka color upar kar liya. thand haddiyon Tak pahunch rahi thi per usse jyada thandak use khamoshi mein thi Jo Charon taraf faili hui thi.
Usne apni ghadi dekhi -12:01 Am.
"Sirf 4 minut aur usne dhire se budbudaya .uska gala Sukh raha tha neelganj ek Chhota sa junction tha, Jahan Se Sheher ki aakhiri local train gujarti thi. per Aaj kuchh alag tha station ki pahli lightsbaar baar jhap jhap kar rahi thi . Jaise koi purani rooh sans lene ki koshish kar rahi ho.
Riyaz ke alava platform per sirf ek buddhi aurat baithi , thi Jo kone mein baith kar purani Mala Jap rahi thi . uska chehra dhundh mein saaf nahin dikh raha tha.
"Mata ji , 12 : 05 wali gaadi aaj on time hai na?" Reyansh ne pucha .
Aurat ne koi jawab nahi diya . uske honth hile per Koi awaaz nahi nikali, Reyansh Ne socha Shayad unhe sunai nahin diya, tabhi station ke purane loudspeaker se ek bhari aur fati hui awaaz gunji;
"Kripya dhyan de.... Platform no. 4 par aane wali gaadi ... Kahin nhi jayegi. , kripya dhyan de.... Maut ka waqt ho chuka hai; Riyansh ka Dil jor se dhadkane laga kya bola isne?" Ghabra kar Charon taraf dekha speaker ab sirf Ajeeb si sarsrahat a rahi thi usne apni ghadi dekhi 12 : 04 AM . Achanak patriyon par ek bhari lohe ki ragad sunai di dur se ek purani koyle wali train dhimi gati se platform ki taraf badh rahi thi, uska engine Kala tha aur usse nikalne wala dhuwa itna khana tha ki pura platform andhere mein doob gaya train aakar roki, per Ajeeb baat yah thi ki usmein koi engine driver nahi dikh raha tha.
sare dibbe Khali thi aur khidkiyon par purane parde latak rahe the . ek dibbe ke darwaje per khoon jaisa lal rang se likha tha -13.