Library me us din ek ajeeb si khamoshi thi।
Aisha aur Arman dono ek hi table par baithe the, lekin dono ke beech woh comfortable feeling nahi thi jo pehle hoti thi।
Kal jo hua tha, uske baad Aisha thodi awkward feel kar rahi thi।
Arman bhi samajh nahi pa raha tha ki baat kaise start kare।
Aisha apni book khol kar padhne ka drama kar rahi thi, lekin uska dhyan words par nahi tha।
Uska dimaag bas kal wali baat me atka hua tha।
"Arman ne mera letter padh liya…"
Usse thoda embarrassment bhi ho raha tha।
Aur thoda gussa bhi।
Kuch minutes tak dono chup rahe।
Phir Arman ne finally silence tod diya।
"Aisha…"
Aisha ne book se nazar uthayi।
"Haan?"
Arman ne thoda hesitate karte hue kaha—
"Kal jo hua… uske liye sorry."
Aisha ne kuch seconds tak uski taraf dekha।
Phir usne slowly kaha—
"Tumhe pata hai na… woh letters personal hain?"
Arman ne turant haan me sir hilaya।
"Mujhe pata hai. Aur mujhe sach me nahi padhna chahiye tha."
Aisha ne sigh li।
Uska gussa thoda kam ho raha tha।
"Bas… mujhe ajeeb laga," Aisha ne kaha।
Arman ne softly kaha—
"Lekin jo maine padha… woh sach tha na?"
Aisha thodi confuse ho gayi।
"Kya?"
Arman ne dheere se kaha—
"Tumhe darr lagta hai ki tum writer nahi ban paogi."
Aisha ne turant nazar neeche kar li।
Yeh baat usne apni diary me likhi thi…
Aur ab koi aur bhi usse jaanta tha।
Aisha ne slowly kaha—
"Haan… lagta hai."
Arman ne pucha—
"Kyuki log support nahi karte?"
Aisha ne sir hilaya।
"Mere abbu chahte hain ki main bas padhai karun aur normal job karun."
"Writer banna unhe childish lagta hai।"
Arman kuch seconds tak chup raha।
Phir usne kaha—
"Lekin tumhare letters me jo emotions hain… woh rare hain."
Aisha ne uski taraf dekha।
"Tumhe kaise pata?"
Arman muskura diya।
"Kyuki main bahut books padhta hoon।"
Phir usne seriously kaha—
"Trust me, agar tum likhna nahi chhodo gi… toh ek din log tumhe padhenge।"
Aisha ke dil me ek warm feeling aayi।
Kabhi-kabhi ek simple sentence bhi kisi ko bahut strong feel kara deta hai।
Usne softly kaha—
"Thanks."
Arman ne mazaak me kaha—
"Waise main tumhara first reader hoon।"
Aisha thodi hass padi।
"Reader ya spy?"
Arman bhi hass pada।
"Okay… thoda spy."
Dono kuch seconds tak hassते रहे।
Aur us moment me unke beech ka awkwardness almost gayab ho gaya।
Tabhi librarian ki awaaz aayi—
"Library band hone wali hai।"
Students dheere-dheere bahar jaane lage।
Aisha aur Arman bhi bahar nikle।
Bahar raat ki thandi hawa chal rahi thi।
Street lights jal chuki thi।
Arman ne pucha—
"Kal phir library aaogi?"
Aisha ne thoda socha।
Phir usne halka sa smile kiya।
"Shayad."
Arman hans pada।
"Shayad ka matlab haan hota hai।"
Aisha bhi muskura di।
Dono opposite directions me chal pade।
Lekin Aisha ke dimaag me ek naya thought aa gaya था।
Usne decide kiya—
Aaj raat woh ek naya letter likhegi।
Lekin iss baar…
Woh letter kisi "Future" ko nahi hoga।
Woh letter Arman ke naam hoga।
Aur shayad…
Us letter ke baad sab kuch change ho जाएगा।
To be continued…