Ek purani magar pyaari kahani hai ek nanhe ladke ki, jiska naam tha aaryan aaryan ek chhote se gaon mein rehta tha jahan charo taraf pahad aur ghane ped the. Uska sabse achha dost koi insaan nahi, balki ek chhota sa safed kutta tha jise wo "baraf" kehta tha.
( Ek anokha rista)
Aaryan aur baraf ka din suraj ki pehli kiran ke saath shuru hota tha .dono jungle ki pagdandiyo par nikal jate . Aaryan hamesha apne saath ek purana monochrome camera rakhta tha jo usne apne dadaji ki almari se dhoonda tha usse duniya ke rang nahi , balki usko saadapan pasand tha.
Ek din ,gaon mein ek bahut badi pradarshani hone wali thi sab log rang birangi tasveerein aur naye kapde dikhane ki taiyari kar rahe the aaryan ne socha ki wo bhi kuch alag karega . usne baraf ko ek purani royal enfield 350 ke paas bithaya jo uske ghar ke peeche ek shed mein dhool kha rahi thi,
Aaryan ne badi mehnat se bike ko saaf kiya usne khud ek halki linen shirt pehni aur bike par baraf ko aise bithaya jaise wo bike chala raha ho usne camera se ek tasveer kheechi ek dam vintage black and white look mein
Jab exhibition ka din aaya , sabne wahan bade bade posters lagaye the. magar jab logo ne aaryan ki wo tasveer dekhi , sab ruk gaye . Us tasveer mein koi chamak -dhamak nahi thi, bas ek masoomiyat aur purane waqt ka sukoon tha log kehne lage ," isme toh purani yaadein taaza ho gayi !"
SEEKH. us din aaryan ko samajh aaya ki asli khoobsurti rangon mein nahi , balki ehsaas mein hoti hai .usne jeet ki trophy nahi mangi , bas apni wo tasveer lekar ghar gaya aur instagram par apne dosto ke saath share ki, taaki duniya ko dikha sake ki saadgi mein kitni taqat hoti hai