Chapter 1
Duniya ab pehle jaisi nahi rahi thi. Nightmare Spell ne insaniyat ko darr ke saaye mein jeene par majboor kar diya tha. Mera naam Sunless hai, lekin sab mujhe pyar se Sunny kehte hain. Log kehte hain ki kismat upar wala likhta hai, lekin meri kismat toh kisi shaitaan ne likhi thi.
Gareebi aur akelapan mera bachpan se saath nibha rahe the. Maine socha tha ki shayad main is Spell se bach jaoonga, lekin ek thandi raat ko sab badal gaya. Mere kaano mein ek ajeeb si awaaz gunji aisi awaaz jo insani nahi thi .maine dekha
Achanak mere charo taraf ka nazara badalne laga. Shehar ki sadkein gayab ho gayi aur main ek baraf se dhaki hui pahadi par tha. Charo taraf sirf sannata tha... par wo sannata sukoon wala nahi bahut dehshat wala tha.
Tabhi, baraf ke neeche se kuch nikalne ki awaaz aayi. Ek bhayanak monster, jiske shareer se khoon tapak raha tha, meri taraf badh raha tha. Mere paas na koi hathyaar tha, na hi koi takat. Maine apni aankhein band kar li aur maut ka intezar karne laga.
Lekin tabhi, meri parchayi achanak hilne lagi. Wo mujhse alag hokar zameen par failne lagi aur usne us monster ka rasta rok liya.
Lekin khushi zyada der nahi tiki. Meri parchayi ne us monster ko rok toh liya, par tabhi mere dimaag mein ek aur khayal aaya jisne mere hosh uda diye.
Maine darrte hue apni parchayi ki taraf dekha. Wo monster toh ruk gaya tha, lekin ab meri hi parchayi dheere-dheere meri gardan ki taraf badh rahi thi. Kya meri apni hi shakti mujhe maarne wali thi