Library se wapas aate waqt Aisha ka mood bahut achha tha।
Usse aaj pehli baar laga tha ki uska writer banne ka sapna shayad impossible nahi hai।
Sana uske saath road par chal rahi thi।
"Dekha? Maine kaha tha na library achhi lagegi," Sana ne muskura kar kaha।
Aisha ne haan me sir hilaya।
"Sach me… mujhe lag raha tha jaise main kisi aur duniya me aa gayi thi।"
Dono baatein karte hue ghar ki taraf ja rahe the।
Aisha ke bag me uski secret diary bhi thi।
Wahi diary jisme uske unsent letters the।
Us diary ke baare me duniya me koi nahi jaanta tha।
Na uski ammi…
Na uske abbu…
Na hi Sana।
Thodi der baad Sana apne ghar ki gali me mud gayi।
"Kal milte hain school me," usne kaha।
"Bye," Aisha ne jawab diya।
Aisha bhi apne ghar ki taraf badhne lagi।
Lekin ghar pahunchte hi usne ek ajeeb si baat notice ki।
Uska bag thoda halka lag raha tha।
Usne jaldi se bag khola।
Books thi।
Notebook bhi thi।
Lekin…
Diary nahi thi।
Aisha ka dil zor se dhadakne laga।
"Diary… kahan gayi?"
Usne bag dobara check kiya।
Phir teesri baar।
Lekin diary kahin nahi thi।
Aisha ko yaad aaya…
Woh library me table par diary nikaal kar likh rahi thi।
Aur phir jaldi me bag me daalne ka dhyan hi nahi raha।
"Ya Allah… diary library me reh gayi," Aisha ne ghabra kar kaha।
Us diary me uske saare secrets the।
Uske fears…
Uske dreams…
Uske letters।
Agar koi us diary ko padh lega…
Toh sab kuch pata chal jayega।
Aisha ne turant shoes pehne।
"Main abhi library ja rahi hoon," usne ammi ko jaldi se bataya।
"Abhi?" ammi ne hairani se pucha।
"Ek notebook reh gayi hai।"
Aisha bina time waste kiye ghar se bahar nikal gayi।
Shaam hone lagi thi।
Library band hone me bas thoda sa time baaki tha।
Aisha jaldi-jaldi wahan pahunchi।
Lekin jab woh library ke andar gayi…
Toh uska dil aur tez dhadakne laga।
Table par diary nahi thi।
Aisha ne librarian se pucha,
"Yahan ek black diary thi… aapne dekhi?"
Librarian ne sir hilaya।
"Shayad kisi student ne utha li hogi।"
Aisha ka chehra safed pad gaya।
"Matlab… kisi ne meri diary le li?"
Usse achanak yaad aaya…
Wahi ladka।
Jo library me uski taraf dekh raha tha।
Aisha ne dheere se khud se kaha—
"Ya Allah… kahin diary us ladke ke paas to nahi…?"
Aur agar usne diary padh li…
Toh Aisha ke unsent letters ka secret…
अब secret नहीं रहेगा।
To be continued…